Барааны тайлбар:

Эл “Богд Зонхавын намтар”-ыг Гүмбүм хийдийн Лхүндүв бандида Лувсанцүлтим бээр орчуулан 2011 онд гаргажээ. Тэр бээр эрдэм чадал гарамгай Лхүндүв бандидагийн 6-р дүр бөгөөд эдүгээ Гүмбүм хийдэд саатаж буй монгол гэгээн болой.

Уг намтрын төвөд эхийг зохиосон Цахар гэвш Лувсанчүлтим (1740-1810) болбоос эрдэм чадал хэтийдсэн, олон арван зохиол бүтээл туурвисан монголын суу билигт эрдэмтэдийн нэгэн. Тэрбээр 50 насны сүүдэр шүргэх (1750) ахуйдаа “Богд Зонхавын намтар”-ыг туурвисан ажээ. Намтрын бүтэн нэр нь “Хамагийг айлдагч их Богд Зонхавын гэгээний намтарыг мэдэхүйеэ хялбар болгон өгүүлсэн сайн амгалан бүхний гарахын орон”.

Түүний туурвисан “Богд Зонхавын намтар” монголчуудын төдийгүй Цаст төвөдийн мэргэцүүлийн гайхамшиг болсон тухай эрдэмтэд сайшаан шагширдаг юм билээ.


Богд Зонхавын гэгээн нь Бурханы ном сургаалыг уг үндсээр нарийвчлан судалж мэргэний туйлд хүрээд Бурханы шашны андуу гажууг засаж залруулан шинэтгэн боловсруулж гэлүгба буюу шарын шашныг үндэслэжээ. Ер Бурханы шашин гэж юу бэ? Ялангуяа гэлүгба буюу шарын шашны мөн чанар юув гэдэгт энэ намтар үнэн бодит хариулт өгнө.

Энэ намтрыг уншиж судалснаар “үзэл онол нь үнэн зөв, явдал мөр нь хиргүй тунгалаг” учраар “шарын шашин” хэмээн нэрийдсэн юм байна гэдгийг гадарлана. Молхи миний бодоход эл намтар тэр чигээрээ гэгээрлийг хүсэгч хэн бүхний сурах бичиг, өдөр тутмын гарын авлага мэт санагдана.


Мэргэн уншигч таны гэгээн мэлмий тольдох болтугай.

#1219